Daily Life........?

Soekend en sukkelend op my eie.....

Elke mens beplan sy lewe, maar alles hang van die Here af -.  Spreuke 16:9

Kyk maar na ons handsakke…. Dis meestal volgeprop met baie goeters…. Lipsticks, tissues, sleutels, beursie ,haarborsel, selfoon, siggarette…..

Ek glo ons dra elkeen ook ‘n geestelike handsak, ‘n plek waar ons mooi memories en minder mooi nagmerrie-ervarings stoor.

Wat doen jy met slegte ervarings?

Sleep jy dit saam soos ‘n ysterbal en ketting om jou enkel?

Hierdie negatiewe emosies neem baie spasie in jou geestelike handsak op.  

As jy gedurig daaraan dink, daarmee worstel en daarop focus  – selfs net in jou onderbewussyn – sal dit jou beroof van lewensenergie en lewensblydskap.

....En ‘n voller lewe.

Ek weet niemand kan werklik ten volle op koers kom of vorentoe beweeg in God se Meesterplan as daar emosionele bagasie in jou handsak is nie; goed wat nie uitgesorteer is nie.

Los die verlede.....

Ek wil nie maak asof ek die een is wat volmaak is nie.  

Alles behalwe dit; maar ek gee alles om so te probeer wees.  

Daarom steur ek my nie meer aan my verlede en al die dinge wat skeefgeloof het nie.  

Soos ‘n atleet wat sy oë net op die wenpaal hou, so span ek alles in my in: ek wil die prys aan die einde kry. – Filippense 3:13-14

Word bewus van die issues wat jy in jou lewe het.  

Jy moet dit uitpak en aanspreek as jy gesond wil word.

To you who are ready for the truth, I say this: Love your enemies.  

Let them bring out the best in you, not the worst.  

When someone gives you a hard time, respond with the energies of prayer for that person. – Luke 6:27-28

Ongelukkig is heelword ‘n proses.  

Tenminste weet ek waar om my antwoorde te soek.  

By Sy voete op my knieë.

Om ‘n hart vol haat, bitterheid en pyn te verander in ‘n hart vol liefde vir jou vyande is onmoontlik sonder God se hulp. 

Hoe?  

Bid, bid, BID.  

En wees gehoorsaam wanneer jy sy opdrag om te vergewe hoor.

God se teenwoordigheid [Gees] regeer nie in ‘n harde hart vol bagasie nie – die bose regeer daar.  

God regeer slegs in ‘n sagte hart van Liefde, Vergifnis en Genade.

God vra ‘n hart van vergifnis – nie net vir die liefdevolle, nice mense nie, maar juis ook vir jou liefdelose “vyande”.

Het jy geweet?  

Dit het die Israeliete veertig jaar [in plaas van elf dae] geneem om by die beloofde land uit te kom.

Hoekom?

Hulle het veertig jaar om en om dieselfde “emosionele berg” gestap.

Hoeveel keer is jy al om dieselfde berg [negatiewe gedagtes wat jou gevange hou] in jou lewe?

Neem God se hand – Hy wil jou uit Egipte uitlei na die beloofde land wat Hy vir jou ingedagte het.
Toe, ek dare jou!!!


Shalom