God se liefde vir die mens het maksimum effek op die mens wanneer dit deur
gehoorsame liefde van mense teenoor andere beantwoord word …
Dit gebeur wanneer God in jou belydenis en
leefstyl al hoe meer sigbaar word.......!
Mense wat werklik in oortuiging glo, behoort só te leef dat ander mense wat na hulle optrede kyk, baie
goed sal kan sien dat hulle Christene is.
As ons in Jesus se spore loop, vra dit
van ons om te leef soos Hy geleef het; om dié dinge te doen wat Hy gedoen het.
As jy nie seker is hoe Jesus geleef het nie........., -kan jy weer ’n slag die vier
Evangelies deeglik gaan lees.
Terwyl Jesus op aarde was, was Hy gedurig besig om
lief te hê, om ander te help, om siekes te genees, om honger mense kos te gee en
moedelose mense moed in te praat.
Hy was gewillig om te dien, om dié dinge te
doen waarvan óns wegskram, om ander mense se voete te was.
As jy erns wil maak
met jou eie geloof, is dit soos jy jou geloof behoort uit te leef: jy moet Jesus
sigbaar maak deur jou leefstyl, deur jou liefde vir ander in die daaglikse realiteit van die lewe, -uit te leef !
Shalom .... & Maranatha
No comments:
Post a Comment